Transcription :
Ou n'y pôs si longtimps incore
Que la vëyië dou parmi mai
Lous jouénas dins la campagni, fésiant lo tor
Lo pagni ou bras, lo coeur gai,
I chantayant ina romanci
Ou refrain ïn pou chineur
Ou faudre pas être in France
A pas craindre lous blagueurs
A le portis de le farmes
I comminçâyant a chanta
et reclamayant d'ina voix farme
Quoques oëuës ïn pou de lard
Pa fère ina bonna omeletta
Signoë dou nouviau printemps
Et pa fère ïn pou la fèta
On a pâs tous les ours vingt ans
Si lo pésan, bon garçon
ou fère ïne offranda
Il intonâyant sins façon
In aubada au commanda :
"A la porte des braves gens
Tout le monde s'en va content"
Mè, si par hasârd, la patronna
Criâve d'in ton pointu :
"Mefiâ-vo la chinna jauna
Porre vo môrdre, et je ne donnons rin plus"
Falle intindre le voix sonôres
Criâs à tous lous passants
Lo refrain que deshonôre
Le gins pas pro complaisants :
"Grousse viyi côrse
Que le (nâ) te pelôrse
Pa ton dejunâ te mïnjiré le côrses !"
